Mail : info@dubaiskssf.com
fb.com/dubaiskssf | twitter.com/dubaiskssf
    SKSSF സില്‍വര്‍ ജൂബിലി സമാപ്പന സമ്മേളനം 2015 ഫെബ്രുവരി ത്രശ്ശൂരില്‍     പാല്‍ക്കടലായി ഹിദായ നഗര്‍ ദാറുല്‍ ഹുദാ സമ്മേളനത്തിന്  ഉജ്ജ്വല സമാപനം പൈതൃക ഭൂമിയില്‍ സുന്നി യുവജന സംഗമത്തിന് പ്രൗഢസമാപ്തി  ‍  യു.എ.ഇ നാഷണല്‍ സര്‍ഗലയം : ഓവറോള്‍ ട്രോഫി ദുബൈക്ക്  സമസ്ത പ്രസിഡന്റ് സി. കോയക്കുട്ടി മുസ്ലിയാര്‍ക്ക് ദുബൈയില്‍ ഉജ്ജ്വല സ്വീകരണം   ‍   നഗരം നിറഞ്ഞൊഴുകി പ്രവാചക സ്‌നേഹികളെത്തി; സമസ്‌ത ആദര്‍ശ സമ്മേളനം ചരിത്രം രചിച്ചു‍

അറബിക് സര്‍വകലാശാല യാഥാര്‍ഥ്യമാക്കണം - പി. സുരേന്ദ്രന്‍

അറബിക് സര്‍വകലാശാല വിവാദം കേരളത്തില്‍ ധ്രുവീകരണത്തന് വഴിവക്കും. മുസ്‌ലിംകളുമായി ബന്ധപ്പെട്ട മുഴുവന്‍ കാര്യങ്ങളും മോശമായ വിവാദങ്ങളാക്കുകയാണെന്നും അതിന് പിന്നിലെ ഗൂഡാലോചനകള്‍ പുറത്തുകൊണ്ടുവരണമെന്നും അദ്ദേഹം അഭിപ്രായപ്പെട്ടു. അറബി ഭാഷയെ കേവലം ഇസ്‌ലാം മതവുമായി ചേര്‍ത്ത് വെക്കേണ്ട കാര്യമില്ല, ലോകത്തിലെ ഏറ്റവും പ്രധാനപ്പെട്ട ഭാഷകളിലൊന്നാണ് അറബി. 
മധ്യേഷ്യന്‍ രാജ്യങ്ങളില്‍ തൊഴില്‍ അന്വേഷകരായ ഏല്ലാ മത വിഭാഗങ്ങള്‍ക്കും അറബി പഠനം പ്രയോജനപ്പെടുന്ന കാലത്താണ് നമ്മള്‍ ജീവിക്കുന്നത്. പൗരാണിക കാലം തൊട്ട് തന്നെ അറബ് രാജ്യങ്ങളുമായി കേരളത്തിനുള്ള സാംസ്‌കാരിക ബന്ധമാണ് ഇവിടെ അറബി ഭാഷക്ക് പ്രചാരം കൊടുത്തത്. ആധുനിക അറബി സാഹിത്യം സമ്പന്നമാണ്. അതുകൊണ്ട് അറബി സര്‍വലാശാലയിലൂടെ വലിയൊരു സാംസ്‌കാരിക വിനിമയം സാധ്യമാണ്. അറബി സര്‍വകലാശാല യാഥാര്‍ഥ്യമാക്കണമെന്നാവശ്യപ്പെട്ട് എസ്. കെ. എസ്. എസ്. എഫ് പ്രവര്‍ത്തകര്‍ മുഖ്യമന്ത്രിക്ക് ഒരു ലക്ഷം ഇ മെയില്‍ അയക്കുന്ന പരിപാടിയുടെ പ്രചാരണം ഉല്‍ഘാടനം ചെയ്ത് സംസാരിക്കുകയായിരുന്നു അദ്ദേഹം. 
വിവാദങ്ങള്‍ മാറ്റിവച്ച് യാഥാര്‍ഥ്യമാക്കാന്‍ സര്‍ക്കാര്‍ ജാഗ്രത കാണിക്കണം. ഇത്തരം വിഷയങ്ങളില്‍ സി.പി.എമ്മിന്റെ മൗനം അപലപനീയമാണ്. പി.എം റഫീഖ് അഹ്മദ്,ശഹീര്‍ അന്‍വരി പുറങ്ങ്,റാഫി പെരുമുക്ക്,അലി അക്ബര്‍ ഫൈസി മങ്കട, ഐ.പി അബു പുതുപ്പള്ളി,ഹാശിര്‍ പെരുമുക്ക്, നിയാസ് പെരുമുക്ക്,ശാഫി പെരുമുക്ക് സംബന്ധിച്ചു.

സമസ് ത ബഹ്റൈന്‍ 'അലിഫ്' ഭവന പദ്ധതി; പ്രഥമ വീട് സമര്‍പ്പിച്ചു വീട് നിര്‍മ്മാണം പൂര്‍ത്തീകരിച്ചത് പത്തര ലക്ഷം രൂപ ചിലവില്‍

മനാമ:സമസ്ത കേരള സുന്നി ജമാഅത്ത് ബഹ്റൈന്‍ ഘടകത്തിന്‍റെ കീഴില്‍ ആരംഭിച്ച 'അലിഫ്' ഭവന പദ്ധതിയില്‍ നിന്നുള്ള പ്രഥമ വീട് സമസ്ത ജനറല്‍ സെക്രട്ടറി ശൈഖുനാ സൈനുല്‍ ഉലമ ചെറുശ്ശേരി സൈനുദ്ധീന്‍ മുസ്ലിയാര്‍ ഉടമക്ക് സമര്‍പ്പിച്ചു. മനാമ പാക്കിസ്ഥാന്‍ ക്ലബ്ബില്‍ നടന്ന 'തസ്ബീത്ത്-2015' സമാപന സമ്മേളനത്തില്‍ വീട്ടുടമയായ ഇബ്രാഹീം ദാരിമിക്ക് താക്കോല്‍ നല്‍കിയാണ് വീട് സമര്‍പ്പിച്ചത്. നിലവില്‍ ബഹ്റൈനിലെ സമസ്ത മദ്റസകളില്‍ സേവനമനുഷ്ടിക്കുന്ന അദ്ധ്യാപകരില്‍ നിന്നും അര്‍ഹരായവര്‍ക്കാണ് അലിഫ് ഭവന പദ്ധതി വഴി വീട് നിര്‍മിച്ച് നല്‍കുന്നത്. 
ഇതനുസരിച്ച് സമസ്ത മനാമ കേന്ദ്ര മദ്റസയില്‍ സേവനം ചെയ്യുന്ന കൊടക് സ്വദേശിയായ ഇബ്രാഹീം ദാരിമിക്കാണ് സമസ്തയുടെ പ്രഥമ വീട് നിര്‍മ്മിച്ച് നല്‍കിയത്. ഈ വീടിന്‍റെ നിര്‍മ്മാണ പ്രവര്‍ത്തികള്‍ക്കായി പത്തര ലക്ഷം രൂപയാണ് സമസ്ത ചിലവഴിച്ചത്. ബഹ്റൈനിലെ 14 ഏരിയകളിലായി പ്രവര്‍ത്തിക്കുന്ന സമസ്തയുടെ ഏരിയാ കമ്മറ്റികളും ജംഇയ്യത്തുല്‍ മുഅല്ലിമീന്‍, എസ്.കെ.എസ്.എസ്.എഫ് തുടങ്ങിയ വിവിധ പോഷക സംഘടനകളും ചേര്‍ന്നാണ് ഇതിനുള്ള ഫണ്ട് സ്വരൂപിച്ചത്. 
സമസ്തയുടെ ഇത്തരം സംരംഭങ്ങളുമായി ബന്ധപ്പെട്ട് പ്രവര്‍ത്തിച്ചവര്‍ക്കും സഹായിച്ചവര്‍ക്കും സമസ്ത ബഹ്റൈന്‍ പ്രസിഡന്‍റ് സയ്യിദ് ഫഖ്റുദ്ധീന്‍ കോയ തങ്ങള്‍, ജന.സെക്രട്ടറി എസ്.എം . അബ്ദുല്‍ വാഹിദ് , ട്രഷറര്‍ വി.കെ കുഞ്ഞഹമ്മദ് ഹാജി എന്നിവര്‍ പ്രത്യേകം നന്ദി അറിയിച്ചു. 
വീടിന്‍റെ താക്കോല്‍ ദാന ചടങ്ങില്‍ സയ്യിദ് ഫഖ്റുദ്ധീന്‍ കോയ തങ്ങള്‍ അദ്ധ്യക്ഷത വഹിച്ചു. ഡോ.ബഹാഉദ്ധീന്‍ നദ് വി കൂരിയാട് മുഖ്യ പ്രഭാഷണം നടത്തി. ബഹ്റൈന്‍ പാര്‍ലിമെന്‍ര് അംഗം അബ്ദുല്‍ വാഹിദ് അല്‍ ഖറാത്വ, കെ.എം.സി.സി ജോ.സെക്ര. സിദ്ധീഖ് കണ്ണൂര്‍ എന്നിവര്‍ ആശംസകളര്‍പ്പിച്ചു സംസാരിച്ചു. ഉമറുല്‍ ഫാറുഖ് ഹുദവി സ്വാഗതവും ശഹീര്‍ കാട്ടാന്പള്ളി നന്ദിയും പറഞ്ഞു. സമസ്ത ബഹ്റൈന്‍ കേന്ദ്ര-ഏരിയാ നേതാക്കളും വിവിധ പോഷക സംഘടനാ ഭാരവാഹികളും സംബന്ധിച്ചു.

''അറബിക് സര്‍വകലാശാല പിഴച്ചതാര്‍ക്ക്'' സെമിനാറും ഏകദിന ശില്‍പശാലയും ഇന്ന്

മലപ്പുറം: സമസ്ത കേരള ജംഇയ്യത്തുല്‍ മുഅല്ലിമീന്‍ മലപ്പുറം ഈസ്റ്റ് ജില്ലാ കമ്മിറ്റിയുടെ ആഭിമുഖ്യത്തില്‍ സംഘടിപ്പിക്കുന്ന സെമിനാറും ഏകദിന ശില്‍പശാലയും ഇന്ന് (ശനി) മലപ്പുറം സുന്നി മഹലില്‍ ശിഹാബ് തങ്ങള്‍ ഓഡിറ്റോറിയത്തില്‍ നടക്കും. രാവിലെ 10 മണിക്ക് ജില്ലാ എക്‌സിക്യൂട്ടീവ് മീറ്റും 2 മണിക്ക് റൈഞ്ച് ഭാരവാഹികളുടെ സാരഥീ സംഗമവും നടക്കും. വൈകുന്നേരം 3 മണിക്ക് ''അറബിക് സര്‍വകലാശാല പിഴച്ചതാര്‍ക്ക്'' എന്ന വിഷയത്തില്‍ നടക്കുന്ന സെമിനാറില്‍ പി.സി ജോര്‍ജ്ജ് എം.എല്‍.എ, അഡ്വ. കെ.എന്‍.എ ഖാദര്‍ എം.എല്‍.എ, മുന്‍ എം.പി ടി.കെ ഹംസ, പി ഉബൈദുല്ല എം.എല്‍.എ, ആര്യാടന്‍ ശൗക്കത്ത്, കെ.പി മുസ്തഫ, സത്താര്‍ പന്തല്ലൂര്‍, മുസ്ഥഫ മാസ്റ്റര്‍ മുണ്ടുപാറ, നൗഷാദ് മണ്ണിശ്ശേരി പങ്കെടുക്കും. ഡോ. ബഹാഉദ്ദീന്‍ മുഹമ്മദ് നദ്‌വി വിഷയാവതരണം നടത്തും. അബ്ദുല്‍ ഹമീദ് ഫൈസി അമ്പലക്കടവ് മോഡറേറ്ററാകും. കെ.ടി ഹുസൈന്‍ കുട്ടി മൗലവി സെക്രട്ടറി 9947133324

ആമില സംഗമങ്ങള്‍ക്ക് തുടക്കമായി ഇന്ന് (ശനി) നിലമ്പൂരിലും പെരിന്തല്‍മണ്ണയിലും

മലപ്പുറം: സുന്നി യുവജന സംഘം ആമില അംഗങ്ങളുടെ സമ്പൂര്‍ണ സംഗമങ്ങള്‍ക്ക് തുടക്കമായി. മണ്ഡലങ്ങള്‍ കേന്ദ്രീകരിച്ച് നടക്കുന്ന സംഗമങ്ങളില്‍ പ്രബോധനത്തിനും ആത്മീയതക്കും ഊന്നല്‍ നല്‍കുന്ന പത്തു സെഷനുകളാണ് സംവിധാനിച്ചിട്ടുള്ളത്. ഏറനാട്, കോട്ടക്കല്‍, വള്ളിക്കുന്ന് മണ്ഡലങ്ങളില്‍ സംഗമങ്ങള്‍ സമാപിച്ചു. ഇന്ന് (ശനി) കാലത്ത് 9 മണിക്ക് നിലമ്പൂരിലും പെരിന്തല്‍മണ്ണയിലും സംഗമങ്ങള്‍ നടക്കും. നിലമ്പൂര്‍ പീവീസ് ആര്‍ക്കേഡില്‍ സമസ്ത ജില്ലാ ജനറല്‍ സെക്രട്ടറി പി കുഞ്ഞാണി മുസ്‌ലിയാരുടെ അധ്യക്ഷതയില്‍ പാണക്കാട് സയ്യിദ് അബ്ബാസലി ശിഹാബ് തങ്ങള്‍ ഉദ്ഘാടനം ചെയ്യും. പെരിന്തല്‍മണ്ണ തഹ്ഫീളുല്‍ ഖുര്‍ആന്‍ (ഇസ്‌ലാമിക് സെന്റര്‍) കാമ്പസില്‍ നടക്കുന്ന സംഗമം സംസ്ഥാന സെക്രട്ടറി പ്രഫ കെ ആലിക്കുട്ടി മുസ്‌ലിയാര്‍ ഉദ്ഘാടനം ചെയ്യും. അബ്ദുല്‍ ഹമീദ് ഫൈസി അമ്പലക്കടവ്, അസീസ് മുസ്‌ലിയാര്‍ മൂത്തേടം, ടി.എച്ച് ദാരിമി, ഹസന്‍ സഖാഫി പൂക്കോട്ടൂര്‍, ഇ.കെ കുഞ്ഞമ്മദ് മുസ്‌ലിയാര്‍, എ.പി യഅ്ഖൂബ് ഫൈസി, പി.ടി അലി മുസ്‌ലിയാര്‍, സയ്യിദ് മുഹമ്മദ് കോയ തങ്ങള്‍ വിഷയാവതരണങ്ങള്‍ നടത്തും. ജില്ലാ വര്‍ക്കിംഗ് സെക്രട്ടറി സലീം എടക്കര കര്‍മ്മ പദ്ധതി അവതരിപ്പിക്കും. മജ്‌ലിസുന്നൂര്‍ ആത്മീയ സദസ്സോടെ സംഗമങ്ങള്‍ സമാപിക്കും. ഒമ്പതിന് പാണക്കാട് വെച്ച് മലപ്പുറം മണ്ഡലം സംഗമം നടക്കും. 15 ന് തവനൂര്‍, താനൂര്‍, 17 ന് മഞ്ചേരി, 19 ന് വണ്ടൂര്‍, 21 ന് തിരൂര്‍, വേങ്ങര സംഗമങ്ങള്‍ നടക്കും. പി.കെ ലത്തീഫ് ഫൈസി 9895354099

സമസ്ത 90-ാം വാര്‍ഷികം ദക്ഷിണ മേഖല സ്വാഗതസംഘ രൂപീകരണം ഇന്ന് (05-09-2015)

ആലപ്പുഴ: 2016 ഫെബ്രുവരി 11 മുതല്‍ 14 വരെ ആലപ്പുഴയില്‍വെച്ച് നടക്കുന്ന സമസ്ത കേരള ജംഇയ്യത്തുല്‍ ഉലമാ 90-ാം വാര്‍ഷിക മഹാസമ്മേളനത്തിന്റെ ദക്ഷിണ മേഖല സ്വാഗതസംഘ രൂപീകരണ കണ്‍വെന്‍ഷന്‍ ഇന്ന് (ശനി) വൈകുന്നേരം 3 മണിക്ക് ആലപ്പുഴ വലിയമരം ഇര്‍ശാദ് ഓഡിറ്റോറിയത്തില്‍ നടക്കും. കന്യാകുമാരി, തിരുവനന്തപുരം, കൊല്ലം, പത്തനംതിട്ട, ഇടുക്കി, കോട്ടയം, ആലപ്പുഴ, എറണാകുളം എന്നീ ജില്ലകള്‍ ഉള്‍പ്പെട്ട തെക്കന്‍ മേഖല സ്വാഗതസംഘമാണ് ഇന്ന് രൂപീകരിക്കുന്നത്.
സമസ്ത കേരള ജംഇയ്യത്തുല്‍ ഉലമാ വൈസ് പ്രസിഡന്റ് എം.ടി.അബ്ദുല്ല മുസ്‌ലിയാര്‍, സമസ്ത കേരള ഇസ്‌ലാം മത വിദ്യാഭ്യാസ ബോര്‍ഡ് ജനറല്‍ സെക്രട്ടറി കോട്ടുമല ടി.എം. ബാപ്പു മുസ്‌ലിയാര്‍, കോഴിക്കോട് ഖാസി സയ്യിദ് മുഹമ്മദ് കോയ തങ്ങള്‍ ജമലുല്ലൈലി, എം.എം. മുഹ്‌യദ്ദീന്‍ മൗലവി ആലുവ, അബ്ദുല്‍ ഹമീദ് ഫൈസി അമ്പലക്കടവ്, കെ. മോയിന്‍കുട്ടി മാസ്റ്റര്‍, മുസ്തഫ മാസ്റ്റര്‍ മുണ്ടുപാറ, കൊടക് അബ്ദുറഹ്മാന്‍ മുസ്‌ലിയാര്‍ തുടങ്ങിയവര്‍ സംബന്ധിക്കും.

യെമനില്‍ മുസ്ലിം പള്ളിക്ക്‌ നേരെ ആക്രമണം; 30 മരണം

യെമനിലെ സനായില്‍ മുസ്ലിം പള്ളിക്ക്‌ നേരെ ഉണ്ടായ ആക്രമണത്തല്‍ 30 പേര്‍ മരിച്ചു. 100 ലധികം പേര്‍ക്ക്‌ പരിക്കേറ്റു. മരണസംഖ്യ ഇനിയും ഉയരാനാണ്‌ സാധ്യത. അല്‍ ജിരാഫ്‌ ജില്ലയിലെ ഷിയാ പള്ളിക്ക്‌ നേരെയാണ്‌ ആക്രണമുണ്ടായത്‌. ചാവേറാക്രമണമുണ്ടായതിന്‌ തൊട്ടുപിന്നാലെ പള്ളിക്ക്‌ സമീപം നിര്‍ത്തിയിട്ടിരുന്ന വാഹനത്തിനുളളില്‍ വെച്ച ബോംബ്‌ പൊട്ടിത്തെറിക്കുകയായിരുന്നു.

വഫാത്തായി

കോഴിക്കോട്: എസ്.കെ.എസ്.എസ്.എഫ് യു.എ.ഇ നാഷണല്‍ കമ്മിറ്റി അദ്യക്ഷനും ഗള്‍ഫ് സത്യധാര മാനേജ്മെന്റ് അംഗവുമായ സയ്യിദ് ശുഹൈബ് തങ്ങളുടെ പിതാവ് സയ്യിദ് ഹബീബ് കോയ തങ്ങള്‍ വഫാത്തായി. ഏറെ നാള്‍ കോഴിക്കോട് സ്വകാര്യ ആശുപത്രിയില്‍ ചികിത്സയില്‍ ആയിരുന്നു. പരേതന്ന് വേണ്ടി മയ്യിത്ത് നിസ്ക്കരിക്കാനും ദുആ ചെയ്യാനും നേതക്കള്‍ അഭ്യര്‍ത്ഥിച്ചു.

ഫൈസി സംഗമം നാളെ ; ഫൈസാബാദ് ഒരുങ്ങി

പട്ടിക്കാട്: ജാമിഅഃ നൂരിയ്യഃയുടെ പൂര്‍വ്വ വിദ്യാര്‍ത്ഥി സംഘടനയായ ഓസ്‌ഫോജന സംഘടിപ്പിക്കുന്ന ഫൈസി സംഗമം നാളെ (ബുധന്‍) രാവിലെ 10 മണി മുതല്‍ ജാമിഅഃ നൂരിയ്യയില്‍ നടക്കും. രാജ്യത്തിന്റെ വിവിധ ഭാഗങ്ങളില്‍ ഇസ്‌ലാമിക പ്രബോധന പ്രചാരണങ്ങള്‍ക്ക് നേതൃത്വം നല്‍കികൊണ്ടിരിക്കുന്ന സന്തതികളെ സ്വീകരിക്കാന്‍ ഫൈസാബാദ് ഒരുങ്ങി. ദേശീയ-അന്തര്‍ ദേശീയ തലങ്ങളില്‍ നടക്കുന്ന സമകാലിക സംഭവങ്ങളും സംഘടനാ വിഷയങ്ങളും ചര്‍ച്ച ചെയ്യുന്ന സംഗമത്തില്‍ ആധുനിക സാമൂഹിക സാഹചര്യങ്ങളിലെ ഇസ്‌ലാമിക ദഅ്‌വത്തിനും മത വിദ്യഭ്യാസ പ്രവര്‍ത്തനങ്ങള്‍ക്കും രൂപരേഖ തയ്യാറാക്കും. ജൂനിയര്‍ കോളേജുകളടക്കമുള്ള ജാമിഅഃ നൂരിയ്യയുടെ പദ്ധതികളില്‍ ഫൈസിമാരുടെ പങ്കാളിത്തം കാര്യക്ഷമമാക്കുന്നതിനുള്ള പദ്ധതികള്‍ ആവിഷ്‌കരിക്കും.
സംഗമത്തില്‍ ഓസ്‌ഫോജന പ്രസിഡണ്ട് സയ്യിദ് ഹൈദരലി ശിഹാബ് തങ്ങള്‍, ജാമിഅ സെക്രട്ടറി സയ്യിദ് സാദിഖലി ശിഹാബ് തങ്ങള്‍, പ്രൊഫ. കെ ആലിക്കുട്ടി മുസ്‌ലിയാര്‍, എ.പി മുഹമ്മദ് മുസ്‌ലിയാര്‍ കുമരംപുത്തൂര്‍, സി.കെ.എം സാദിഖ് മുസ്‌ലിയാര്‍, ഹാജി കെ. മമ്മദ് ഫൈസി, സയ്യിദ് മുഹമ്മദ് കോയ ജമലുല്ലൈലി തങ്ങള്‍, ഉമര്‍ ഫൈസി മുക്കം, എ.വി അബ്ദുറഹ്മാന്‍ ഫൈസി, പുത്തനഴി മൊയ്തീന്‍ ഫൈസി സംബന്ധിക്കും. എം.ടി അബ്ദുല്ല മുസ്‌ലിയാര്‍, കോട്ടുമല ടി.എം ബാപ്പു മുസ്‌ലിയാര്‍ ക്ലാസെടുക്കും.

SKSSF അംഗത്വ പ്രചരണം ആരംഭിക്കുന്നു. ജൂണ്‍ 14 ന് മെമ്പര്‍ഷിപ്പ് ഡെ

കോഴിക്കോട്: എസ് കെ എസ് എസ് എഫ് സംസ്ഥാന കമ്മറ്റിയുടെ ആഭിമുഖ്യത്തില്‍ പുതിയ അംഗത്വ പ്രചരണം ആരംഭിക്കാന്‍ വാടാനപ്പള്ളിയില്‍ ചേര്‍ന്ന സംസ്ഥാന നേതൃസംഗമം തീരൂമാനിച്ചു. ഇതിനായി കര്‍മ രംഗത്തേക്ക് പുതിയ പ്രവര്‍ത്തകരെ ആകര്‍ഷിക്കാനാവശ്യമായ രൂപരേഖ തയ്യാറാക്കി. ജൂണ്‍ 14 ന് കേരളം, കര്‍ണാടക, തമിഴ്‌നാട്, മഹാരാഷ്ട്ര, ആന്ത്രപ്രദേശ്, ഡല്‍ഹി, ലക്ഷദ്വീപ്, പോണ്ടിച്ചേരി, അന്തമാന്‍ എന്നിവിടങ്ങളില്‍ മെമ്പര്‍ഷിപ്പ് ഡെ ആയി ആചരിക്കും.സെപ്തംബറിന് മുമ്പായി പുതിയ ശാഖ, ക്ലസ്റ്റര്‍, മേഖല, ജില്ലാ തല കമ്മറ്റി പുന സംഘടന പൂര്‍ത്തിയാകും. ഒക്ടോബറില്‍ നടക്കുന്ന സമ്പൂര്‍ണ്ണ സംസ്ഥാന കൗണ്‍സിലില്‍വെച്ച് തുടര്‍ന്നുള്ള രണ്ട് വര്‍ഷത്തേക്കുള്ള പുതിയ സംസ്ഥാന കമ്മറ്റി നിലവില്‍ വരും. 
കാമ്പയിന്‍ കാലയളവില്‍ ഇതര സംസ്ഥാനങ്ങളിലും കമ്മറ്റികള്‍ നിലവില്‍ വരും. അംഗത്വ പ്രചരണ പരിപാടികള്‍ക്ക് നേത്വം നല്‍കുന്നവര്‍ക്ക് വേണ്ടി മെയ് 17 ന് എറണാംകുളത്തും 23 ന് മലപ്പുറത്തും, 26 ന് കണ്ണൂരിലും ക്യാമ്പുകള്‍ നടക്കും. ജില്ലാ മേഘല ഭാരവാഹികളാണ് ക്യാമ്പില്‍ സംബന്ധിക്കുക. അംഗത്വ പ്രചരണത്തിനും തെരഞ്ഞെടുപ്പിനും നേതൃത്വം നല്‍കുന്നതിന് വിവിധ ഘടകങ്ങളില്‍ നിരീക്ഷകന്‍, കോ-ഓര്‍ഡിനേറ്റര്‍, റിട്ടേണിംഗ് ഓഫീസറെന്നിവരെ നിയമിക്കും. സംസ്ഥാന തല തിരഞ്ഞെടുപ്പു സമിതി ചെയര്‍മാനായി സയ്യിദ് സ്വാദിഖലി ശിഹാബ് തങ്ങളെയും കണ്‍വീനറയി ഷാഹുല്‍ ഹമീദ് മേല്‍മുറി യേയും തിരഞ്ഞെടുത്തു. അബ്ദുല്‍ ഹമീദ് ഫൈസി അമ്പലക്കടവ്, അശ്‌റഫ് ഫൈസി കണ്ണാടിപ്പറമ്പ്, മുസ്തഫ മുണ്ടുപാറ, കെ മോയിന്‍ കുട്ടി്മാസ്റ്റര്‍, എസ് വി മുഹമ്മദലി, നാസര്‍ ഫൈസി കൂടത്തായി എന്നിവര്‍ അംഗങ്ങളാണ്. അബ്ദുറഹീം ചുഴലി ചെയര്‍മാനും റശിദ് ഫസി വെള്ളായിക്കോട് കണ്‍വീനറുമായി അംഗത്വ പ്രചാരണസമിതിയും രൂപീകരിച്ചിട്ടുണ്ട്.

ആഭാസത്തിന്റെ ഫോട്ടോ സംസ്‌കാരം ഉപേക്ഷിക്കുക: SKSSF

തിരൂര്‍: മതപ്രഭാഷണ വേദികളുടേയും സംഘടനാ പരിപാടികളുടേയും പേരില്‍ മഹത്തുക്കളെ നിസ്സാരപ്പെടുത്തുന്ന ആഭാസകരമായ ഫോട്ടോ ഫ്‌ളക്‌സ് സംസ്‌കാരം ഉപേക്ഷിച്ച് മാതൃക കാണിക്കാന്‍ മഹല്ല് നേതൃത്വങ്ങളും സംഘാടകരും മുന്നോട്ടു വരണമെന്ന് എസ് കെ എസ് എസ് എഫ് ഇബാദ് തിരൂരില്‍ സംഘടിപ്പിച്ച കേരള തസ്‌കിയത്ത് കോണ്‍ഫറന്‍സ് ആഹ്വാനം ചെയ്തു. മതവേദികള്‍ മതവിരുദ്ധതയുടേയും അനാദരവിന്റെയും കൂത്തരങ്ങായി മാറുന്നതിനെതിരെ സമൂഹം ജാഗ്രത പാലിക്കണം. സമാപന ദിവസത്തെ ക്യാമ്പ് കേരള വഖഫ് ബോര്‍ഡ് ചെയര്‍മാന്‍ പാണക്കാട് സയ്യിദ് റശീദലി ശിഹാബ് തങ്ങള്‍ ഉദ്ഘാടനം ചെയ്തു. 
എസ് കെ എസ് എസ് എഫ്. ജനറല്‍ സെക്രട്ടറി ഓണമ്പിള്ളി മുഹമ്മദ് ഫൈസി അധ്യക്ഷത വഹിച്ചു. എം.പി.മുസ്തഫല്‍ ഫൈസി, സി.എച്ച്. ത്വയ്യിബ് ഫൈസി, സത്താര്‍ പന്തല്ലൂര്‍, ഉമറുല്‍ ഫാറൂഖ് ഹുദവി പാലത്തിങ്ങല്‍ പ്രഭാഷണം നിര്‍വഹിച്ചു. 
ഇബാദ് ഡയറക്ടര്‍ ഡോ. സാലിം ഫൈസി കൊളത്തൂര്‍, ചെയര്‍മാന്‍ ആസിഫ് ദാരിമി പുളിക്കല്‍, പി.എം. റഫീഖ് അഹ്മദ്, ആശിഖ് കുഴിപ്പുറം, ഡോ. ജാബിര്‍ ഹുദവി, കെ.കെ.എസ്. തങ്ങള്‍, അബ്ദുന്നാസര്‍ സഅ്ദി, സയ്യിദ് നിയാസലി ശിഹാബ് തങ്ങള്‍, ഡോ. ബിശ്‌റുല്‍ ഹാഫി, ഡോ.ശിഹാബുദ്ദീന്‍ അരീക്കോട്, വഹാബ് ഹൈത്തമി, ശിഹാബ് മന്നാനി, കെ.എം. ശരീഫ് പൊന്നാനി നേതൃത്വം നല്‍കി. മൂന്ന് ദിവസത്തെ ക്യാമ്പില്‍ സമയനിഷ്ഠയും ഒന്നിച്ചുള്ള ഭക്ഷണരീതിയും ശ്രദ്ധേയമായി.